ಅಕ್ಕಿ ಕಡ್ಲೆಬೇಳೆ ಪಾಯಸ

      ಅಕ್ಕಿ ಕಡ್ಲೆಬೇಳೆ ಪಾಯಸವನ್ನು ರಾಮನವಮಿ ವಿಶೇಷ ಖಾದ್ಯವಾಗಿ ತಯಾರಿಸಲಾಗುತ್ತದೆ.ಈ ಪಾಯಸ ತಿನ್ನಲು ಬಲು ರುಚಿ.
ಬೇಕಾಗುವ ಸಾಮಾಗ್ರಿಗಳು:

• 1/2 ಕಪ್ ಅಕ್ಕಿ
• 1/4 ಕಪ್ ಕಡ್ಲೆಬೇಳೆ
• 2 ಟೀ ಚ ಗಸೆಗಸೆ
• 3/4 ಕಪ್ ಬೆಲ್ಲ
• 1/2 ಕಪ್ ತೆಂಗಿನತುರಿ
• ದ್ರಾಕ್ಷಿ,ಗೋಡಂಬಿ
• ಚಿಟಿಕೆ ಏಲಕ್ಕಿ ಪುಡಿ
• 1/2 ಲೋಟ ಹಾಲು (ಬೇಕಾದಲ್ಲಿ)

ಮಾಡುವ ವಿಧಾನ:

1. ಅಕ್ಕಿ ಹಾಗೂ ಕಡ್ಲೇಬೇಳೆಯನ್ನು ನೀರು ಹಾಕಿ ಬೇಯಿಸಿ.
2. ಗಸೆಗಸೆ ಹುರಿದು ತೆಗೆದಿಡಿ.
3. ತೆಂಗಿನತುರಿ,ಹುರಿದ ಗಸೆಗಸೆ ರುಬ್ಬಿ ರೆಡಿ ಇಡಿ.
4. ಬೆಲ್ಲಕ್ಕೆ ನೀರು ಹಾಕಿ ಕರಗಿಸಿ ,ಬೆಂದ ಅಕ್ಕಿ ಕಡ್ಲೆಬೇಳೆ ಮಿಶ್ರಣಕ್ಕೆ ಸೇರಿಸಿ ಕೈಯಾಡಿಸಿ.
5. ಅದಕ್ಕೆ ರುಬ್ಬಿದ ಪೇಸ್ಟ್, ಏಲಕ್ಕಿ ಪುಡಿ ಸೇರಿಸಿ.
6. ತುಪ್ಪದಲ್ಲಿ ದ್ರಾಕ್ಷಿ,ಗೋಡಂಬಿ ಹುರಿದು ಸೇರಿಸಿ ಮಿಶ್ರ ಮಾಡಿ.
7. ಪಾಯಸ ಸ್ವಲ್ಪ ನೀರಾಗೆ ಇರಲಿ,ಆರಿದ ಮೇಲೆ ಗಟ್ಟಿಯಾಗುತ್ತದೆ. ಬೇಕಾದ ಹದಕ್ಕೆ ಪಾಯಸ ತಯಾರಿಸಿ.

• ಇಡೀ ಏಲಕ್ಕಿಯನ್ನು ಕಾಯಿ ರುಬ್ಬುವಾಗ ಸೇರಿಸಿ ರುಬ್ಬಬಹುದು.
• ಒಣಕೊಬ್ಬರಿ ತುರಿಯನ್ನು ಬಳಸಬಹುದು.

*ಮಾಡಿ ನೋಡಿ...ತಿನ್ನಿ ತಿಳಿಸಿ...