ಸಾಂಬಾರ್ ಪುಡಿ/ಸಾರಿನ ಪುಡಿ- ವಿಧಾನ ೧

ಬೇಕಾಗುವ ಸಾಮಾಗ್ರಿಗಳು:

• 1 ಕಪ್ ಒಣಮೆಣಸಿನಕಾಯಿ
• 1/4 ಚಮಚ ಉದ್ದಿನಬೇಳೆ
• 3/4 ಚಮಚ ಮೆಂತ್ಯಕಾಳು
• 3/4 ಚಮಚ ಜೀರಿಗೆ
• 3/4 ಚಮಚ ಸಾಸಿವೆ
• 1/2 ಕಪ್ ಧನಿಯಾ ಕಾಳು
• 10-15 ಕರಿಬೇವು
• 1/4 " ಅರಿಸಿನಕೊಂಬು
• 1/4 ಚಮಚ ಇಂಗಿನಪುಡಿ 

ಮಾಡುವ ವಿಧಾನ:

1. ಮೇಲೆ ತಿಳಿಸಿದ ಎಲ್ಲಾ ಸಾಮಾಗ್ರಿಗಳನ್ನು ಎಣ್ಣೆ ಹಾಕದೆ ಬೇರೆ ಬೇರೆಯಾಗಿ ಸಣ್ಣ ಉರಿಯಲ್ಲಿ ಘಮ ಬರುವವರೆಗೆ ಹುರಿಯಿರಿ.
2. ಪೂರ್ತಿ ತಣ್ಣಗಾಗಲು ಬಿಡಿ.
3. ಆರಿದ ಮೇಲೆ ಒಂದು ಮಿಕ್ಸಿ ಜಾರಿಗೆ ಸೇರಿಸಿ ನುಣ್ಣಗೆ ರುಬ್ಬಿ. ನೀವು ಜಾಸ್ತಿ ಅಳತೆ ಮಾಡುವುದಾದಲ್ಲಿ ಗಿರಣಿಯಲ್ಲಿ ಪುಡಿ ಮಾಡಿಸಿ.
4. ಈ ಸಾರಿನ ಪುಡಿ ಸಾಂಬಾರ್ ,ಪಲ್ಯ ಎಲ್ಲವಕ್ಕೂ ಬಳಸಬಹುದು.

***ಮಾಡಿ ನೋಡಿ...ತಿನ್ನಿ ತಿಳಿಸಿ...